Eldoret: Video ya Nyanya Akimlilia Father Allois Huku Akiipunga Biblia Yawahuzunisha Wengi

• Video ya mwanamke mzee akipunga Biblia huku akiomboleza kifo cha kusikitisha cha Padre Allois Cheruiyot imegusa mioyo ya watu wengi
• Katika video iliyochapishwa na BishMedia kwenye Facebook, mwanamke huyo mzee hakuweza kuandamana kama wengine, lakini alitoa kilio chake kwa njia ya kipekee
• Watu wengi waliotazama video hiyo walivunjika moyo pamoja na mwanamke huyo mzee, pamoja na mapadre waliolia bila kufarijika walipoona mwili wa padre huyo

Tot, Eldoret: Video ya mwanamke mzee akiomboleza kwa uchungu huku akipunga Biblia na fimbo kwa ajili ya kifo cha Padre Allois Cheruiyot imewaumiza watu wengi.

Wakenya na Mapadre Waliomboleza Vipi?

Padre huyo alipigwa risasi na kuuawa akiwa njiani kurejea Parokia ya Tot baada ya kuongoza maombi katika Elgeyo Marakwet.

“Kitu cha kusikitisha zaidi katika mitandao ya kijamii leo... sijawahi kulia kwa ajili ya mgeni kama hivi,” alisema mtumiaji wa Facebook aliyejitambulisha kama Imelda Okemo, aliyeshiriki video hiyo.

Maombolezo ya kweli juu ya kifo cha padre huyo yalienea Tot, Eldoret hadi kwenye mitandao ya kijamii, ambako watu walimlilia kwa majonzi makubwa.

Kwa mujibu wa waliopost, padre huyo alisimama kwenye madhabahu akiwa na tumaini na upendo pekee, akihubiri umoja na kuwaponya waliovunjika.

“Amenyamazishwa na vurugu zile zile alizokuwa akizipinga maisha yake yote,” alisema Okemo.

“Alikuwa baba wa kanisa, rafiki, mchungaji. Hakuongea tu amani; aliishi kama mfano hai wa amani katika nchi ambapo risasi huzungumza zaidi kuliko maombi,” aliongeza.

Waumini wa Allois hawakuhitaji maneno kueleza hisia zao; machozi yaliyotiririka kwa wingi yalieleza yote. Walimpenda kwa dhati na waliomboleza pamoja wakati huu mgumu.

Wakenya Walisemaje Kuhusu Video Hiyo?

Imelda:

"Nyakati za mwisho za Padre Alloyce Cheruiyot Bett kabla ya risasi kuchana mwili wake… katika huduma yake ya mwisho, alimulikia mioyo hii midogo kwa mwanga, lakini moyo wake wenyewe ukazimwa mapema mno. Kama mshumaa uliowasha mingine, aliwaka kwa ajili yao, kisha akatoweka katika makucha ya mauti🥲."

Robert Mutahi:

"Bwana mwenye rehema, tunakukabidhi roho ya mtumishi wako mwaminifu, Padre Alloyce. Alijitoa maisha yake kwa huduma, akihubiri amani, akipanda mbegu za upendo."

Troy Dacascos Ondu:

"Katika demokrasia zilizoendelea, mkuu wa usalama hujiuzulu katika matukio kama haya."

Toweet Konyakwee:

"Siku moja, ujambazi utafika mwisho, lakini si kwa kutumia bunduki, bali kwa ustaarabu na mapinduzi."

Nickson Ominde:

"Nilipoona picha za Padre, moyo wangu ulivunjika sana kuona jinsi majambazi walivyomaliza maisha ya mtumishi huyu mkubwa wa Mungu. Roho yake ipumzike kwa amani ya milele."

Watuhumiwa 6 wa Mauaji ya Allois Wakamatwa

Habari nyingine zimefichua kuwa watuhumiwa sita sasa wako chini ya ulinzi wa polisi kuhusiana na kifo cha Padre Allois Cheruiyot.

Kwa mujibu wa msemaji wa NPS, Muchiri Nyaga, maafisa wa GSU walitumwa katika Kijiji cha Kabartile muda mfupi baada ya mauaji na waliwakamata washukiwa kwa mafanikio.

Mamlaka zilieleza kuwa uchunguzi wa awali umeondoa uwezekano wa ujambazi au wizi wa mifugo kama sababu, na kupendekeza kuwa shambulio dhidi ya Padre Bett lilipangwa mapema.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Chanzo: TUKO.co.ke