Kisii: Familia Yamuomboleza Mama Mjamzito Aliyezama Kisimani Akiosha Nguo za Mtoto

• Mwanamke mjamzito, Faith Nyangweso, alizama kwa katika kisima eneo la Nyaribari Chache, kaunti ya Kisii
• Binamu wa Faith, Gekonde Ferdinand, aliambia TUKO.co.ke ni kwa nini mama-mkwe alihisi hatari punde tu baada ya kuona kutoweka kwake
• Geoffrey Oyunge, mume wa Faith, alikuwa mbali na nyumbani na kurejea kupata habari za kuhuzunisha kwamba mke wake wa miezi sita hakuwepo tena

Familia moja mtaani Nyamecheo, Nyaribari Chache kaunti ya Kisii inaomboleza kifo cha Faith Nyangweso aliyepatikana amefariki ndani ya kisima.

Gekonde Ferdinand, binamu yake, aliambia TUKO.co.ke kuwa mama huyo mchanga wa mtoto mmoja alikuwa akifua nguo za mtoto wake wa mwaka mmoja alipotoweka ghafla.

"Ilikuwa Jumanne, Juni 17, mvua ilikuwa inakaribia kunyesha. Faith alikuwa anakimbia kumalizia kufua nguo alipoishiwa na maji. Tunaamini alikwenda kuchota zaidi kwenye kisima, lakini hakuna aliyemwona akielekea huko," alisema Gekonde.

Nani aliupata mwili wa Faith Nyangweso?

Dakika chache zilipita, na mama mkwe wa Faith, ambaye alikuwa amemuona mara ya mwisho akifua nguo, alianza kujiuliza ameenda wapi.

Alianza kupekua nyumba na kiwanja hicho, lakini Faith hakupatikana hadi alipoona gari la maji likiwa karibu na kisima.

"Alichungulia ndani na kuona viatu vya mwanamke huyo kijana vikielea majini, na mara moja akapiga nduru," Gekonde alisema.

Binamu huyo mwenye huzuni alibainisha kwamba hakuna anayejua hasa jinsi Faith alivyoishia kisimani, na familia inaendelea kujiuliza ikiwa aliteleza au labda alihisi kizunguzungu na kuanguka.

"Mwili wake ulichukuliwa na kupelekwa katika chumba cha kuhifadhia maiti tukianza kupanga mazishi yake," aliongeza.

Mume wa Faith alifahamu vipi kifo chake?

Gekonde alisimulia kwamba Faith alikuwa na ujauzito wa miezi sita na alikuwa na ndoa yenye furaha na Geoffrey Oyunge Ondieki.

Alisema Ondieki hakuwa nyumbani wakati tukio hilo la kusikitisha likitokea na sasa amezidiwa kihisia, akijitahidi kukabiliana na hasara hiyo mbaya.

Gekonde alikumbuka wakati mchungu ambapo mgane huyo aligundua kwamba mkewe na mtoto wake ambaye alikuwa tumboni walikuwa wamekufa.

"Tulikuwa tumekaa pamoja siku nzima, na alikuwa ameondoka kwenda kufanya shughuli kadhaa katika Mji wa Kisii. Baadaye, nilipokea simu kutoka kwa mmoja wa majirani wetu akisema anasikia vilio na maombolezo kutoka nyumbani kwetu," alisema.

Kwa udadisi na wasiwasi, Gekonde alipiga simu nyumbani na kufahamishwa kilichotokea, lakini hakuweza kujieleza kumpigia Ondieki habari hiyo.

Muda mfupi baadaye, alimwona baba mdogo akiendesha pikipiki yake kurudi nyumbani, na akakutana na habari za kuhuzunisha za kifo cha ghafla cha mke wake.

'Keateka' wa Kisumu aliyetoweka apatikana ametupwa kwenye kisima

Katika habari nyingine, TUKO.co.ke iliripoti kuhusu mwanamke ambaye alifanya kazi kama 'caretaker' katika eneo la kufugia samaki alipatikana amefariki kwenye kisima cha maji huko Kisumu.

Mwanamke huyo mwenye umri wa miaka 30, ambaye alitoweka mnamo Machi 4, anadaiwa kuuawa na washambuliaji wasiojulikana ambao walitupa mwili wake karibu na Pwani ya Rota.

Wakazi wa eneo hilo walianza kumtafuta baada ya majaribio mengi ya kumpata kwa njia ya simu bila kufaulu.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Chanzo: TUKO.co.ke